又到萬聖節

潔潔...

考慮咗好耐...

出唔出post呢...

因為...

完全覆唔到網友ge留言...

心灰意冷喇...

但又到萬聖節wor...

潔潔喜歡ge節日...

算啦~

同大家say hello 啦~

Hello~

大家好嗎~

^^ ^^

自製香皂

潔潔...
自製香皂...
喔噢...
Like...😍😍😍

半年無見面

　　潔潔，差不多有半年，無同大家見面...當中原因唔講喇，由佢過去啦。

　　期間，我有同一兩位網友，以電郵keep住聯絡，但潔潔仍感到愧疚，當日ge不辭而別。
　　　　
　　我除大咗一歲外，其他野無改變呀~都係奀枝枝，食極都係未够90lbs，都係食素呀~依家天氣熱，暫停行山，我以前每星期都去行山gar......

　　講咗咁耐，大家記得我未呀~

　　我今晚煮咗個素食，比大家睇下吖^^

放低咗一個人

    潔潔自踏入30歲之後，真係成長咗，可能係遲咗一D^^ ，點解咁講？係因為踏入秋天之後，甚至到冬天，潔潔都無再想聽秋來也秋去LI首歌。

　因為潔潔放低咗一個人，LI個人...以前唔想話比人知LI件事，但無所謂啦，事情已經過去，而且人亦已過去...

    佢係潔潔中學一位男老師，佢好有風度，講說話好有趣...潔潔不自覺地好喜歡佢...當然無同老師講啦~後來佢移民...後來得知佢離世...

    佢喺秋天離開香港，又係秋天離世，每年秋天特別掛念佢，心情亦特別差...維持咗好多年...

    當時係唔係暗戀呢~潔潔都唔清楚，見到老師同第二個女同學接觸就唔開心，最慘潔潔讀女校...
　
　點解今日又會想起？因為清理舊物時，睇到老師當年批改作業GE留言...潔潔一一收起，趁年尾大掃除，連記憶都順便清理一下吧。